***شعر مدح في البدوو***

[والـ نجد ـي]

حنا بدو يمكثرين العذاريب**** وحنا هل الناموس ياجاهلينا

حنا ولدنا لاظهر كنه الذيب***** يضحك حجاجه لا لفو الغانمينا

والعود لامنه كساوجهه الشيب**** يزود قدره كثر زود السنينا

وماحن نهوز قصيرنا بالمشاعيب**** بالعكس الطفبه من ام الجنينا

خوينا نسقيه حلو المشاريب **** ولو مهتنا حنا ترى مهتنينا

وحنا ليصارالطلب والمطاليب*** مروين حد مصقلات السنينا

حنا لياكثرت علينا المشاغيب****نصبر عليها لين ربي يعينا

وحنا ليا شدنا فروس المشاديب**** فوق العلالي مثل اسود العرينا

وحن لاهرجنا مانعرف الاكاذيب**** يعيـبنا هرجـن بلـيا يقينــا

وحن ضيفنا يلقى كثير التراحيب ****ونسقيه من صفر الدلال الثمينا

من عقب ذا نطيبه من غالي الطيب**** ونفدغمه فطحت خروفن سمينا

صحيح حن نتبع هوا شمخ النيب**** ممشا معاها عز يـا نـاقديــنا

هاذي عطايا الله حرش العراقيب****عز العرب ياللي لها ناكرينا

تامن بنا الطياح ام الدباديب**** اللي بها عشب القفر قد رعينا

تبرا الحيرانن صغارن حباحيب **** سودن اذانيها كما شلفتينا

من لامنا في حبنا لفطر الشيب **** جعله فدا لمهجرعات الحنينا

ماتعيبناسود البكار الحنازيب**** مدام نعطي حقها اللي علينا

هاذي صفات البدو واهل المواجيب**** بياعت الغالي على المشترينا

(( نعم بدو كان البداوه غدت عيب**** وكن ذي عذاريب البدو قابلينا))

[غ ـنـٍوٌجَـٍـۃْ]

يسلمووووووووووووووووو اخويــ على الشعر بصراحهــ مرهــ حلو

[العنود]

يسلموووووووووووووووو علي الشعر جد روعة

[آدّمنتْ ح’ـبڪَ]

(( نعم بدو كان البداوه غدت عيب**** وكن ذي عذاريب البدو قابلينا))


والله صدقت يا خوي

مشكور

[ملاعب الورقاء]

حنا ولدنا لاظهر كنه الذيب***** يضحك حجاجه لا لفو الغانمينا

والعود لامنه كساوجهه الشيب**** يزود قدره كثر زود السنينا


مشكور اخوي ولد نجد على القصيدة

[مملكة العز]

مشكوووووووووووور اخوووي الــ نجد ــــي

http://sl.glitter-graphics.net/pub/463/463455dkgcfm4m8o.gif

[سراب]

قصيده مره حلوه

مشكور على الابيات الرائعه

[شعـوولي K.S.A]

قصديهـ حلووه اخوووي ................ مشكووور على مووضوعك