سراب
10-06-2008, 02:43 PM
السلام عليكم ورحمة الله وبركاته:
اليوم احبائي ما راح اعور روسكم بكتابة موضوع
لكن راح اكتب لكم قصة حصلت امامي وتعجبت مما
حصل واتمنى منكم احبائي مناقشة الموقف بدون تحيز
لان الموقف حصل امامي!
كنت ذاهبه إلى احد الاسواق خارج مدينة الرياض ودخلت محلات السواني المعروفة وكنت اتفرج على البضائع
ولفت نظري شخص داخل المحل وكاشخ كانه رايح عرس وريحة عطره تشمها من على بعد كيلو كأنه راش ثلاث
علب مووحده ومعه امراة أكيد انها زوجته لان معها ولد شايلته ووقفوا جنبي وكان يقولها ما تتحركين من القسم
هذا لو حتى يحترق وكما هو معروف ان السواني اقسام متعددة تختص بجميع الاشياء.
المهم بعد ما قال هذا الكلام راح وتركها بصراحه اسلوبه كان متعجرف ويكلمها من طرف خشمه
وبعد فترة قصيره بكى الطفل بدون سبب والمراة تحاول تسكته وهو كأنه حالف ما يسكت وبدا الناس يطالعون
فيها ويسالونها وش فيه الولد وين ابوه ناديه ( لقافة ها الخلق ما يتركونها)
المهم قلتلها روحي دوري زوجك واطلعي يمكن الولد فيه شئ او متضايق من الحر قالت انها تخاف منه لايزعل
( بالطقاق فيه ان شاء الله مايرضى). قلت لها انا عرفت شكله اذا تبين اروح ادوره واقوله ولدك تعبان( (ملقوفة
صح وش اسوي هذا طبعي) قالت لي خلاص بس اذا شفتيه مشغول لاتزعجينه استغربت من كلامها كأنها تدري
انا وش بشوف ودورت الاخ وطبعا اللي ما يعرفه يكفي انه يشم ريحته اللي دوخت روسنا.
واخيرا لقيت الاخ في قسم العطور واقف مع وحده ثانيه يسولف معها انصدمت من الموقف وبغيت ارجع لاكن
لازم احرجه عشان يحس على دمه وقربت منه بكل بساطه وسمعت بعض كلمات الغزل اللي قاعد يقولها وغثني
وقلت لازم احرجةوقربت منه وقلت له( لو سمحت اخوي ولدك الي مع زوجتك في قسم الملابس يبكي والناس
يسألون عنك والمسكينه ما تدري وينك ياليت تروح توديه للمستشفي). --- شفتوا اللقافة شكلها بتوديني في
مصيبه--ونظر الي شذرا كما يقال وشكله ولّع ولو الموت بيدة كان أرسله علي ورحت وتركته مع البنت وبعد
خمس دقايق جا وهو معصب (شكلهم تهاوشوا) وقام يزعج على المسكينه ويهاوش ولده والناس طبعا ما
قصرت تجمعوا وانا طبعا واقفه من بعيد اتسمع وكان يقول (سكتي ذا الخبل مالت عليك وعليه , وين الله يرزقنا
وانتي معنا وكلام غريب والمراة ساكته والولد كل ماله يصرخ,حاولوا الناس يهدونه وهو مولّع بعض الحريم عصبوا
وقالوله هذاطفل يبكي لأتفه سبب حرام عليك وهو يهاوش ذا المسكينه وهي تبكي بسكات) وبالاخير قهرني
حيل لانه يهزئ ذا المسكينه قدام الناس ويقول انتي ما تعرفين تربين ومن ذا الخرابيط تلقفت و قلتله انت
انسان مستهتر ولا همك ولدك وصياجه اللي همك الاخت اللي كنت واقف معها شكلك ما تبيها تدري انك متزوج
عصب علي وقال (( يا الملقوفه وش دخلك بالامور العائليه شكلك ما تربيتي)) وراح يهاوش كل الواقفين بدون
اي سبب والناس راحت تقوله الله يشفيك وهو يصارخ وجا رجال الامن وطلعوه من المحلات وما ادري وش صار
فيهم بعدين.:mad:
هذا الموقف صار قدامي واعرف اني ملقوفة لاني تدخلت لاكن انتوا ما شفتوا شكل المرا ة كان كسرت خاطركم
وسؤالي !!
هل تؤيدونني على موقفي؟؟؟
لو كنتم مكاني ماذا فعلتم؟؟؟
وتقبلوا تحياتي
اليوم احبائي ما راح اعور روسكم بكتابة موضوع
لكن راح اكتب لكم قصة حصلت امامي وتعجبت مما
حصل واتمنى منكم احبائي مناقشة الموقف بدون تحيز
لان الموقف حصل امامي!
كنت ذاهبه إلى احد الاسواق خارج مدينة الرياض ودخلت محلات السواني المعروفة وكنت اتفرج على البضائع
ولفت نظري شخص داخل المحل وكاشخ كانه رايح عرس وريحة عطره تشمها من على بعد كيلو كأنه راش ثلاث
علب مووحده ومعه امراة أكيد انها زوجته لان معها ولد شايلته ووقفوا جنبي وكان يقولها ما تتحركين من القسم
هذا لو حتى يحترق وكما هو معروف ان السواني اقسام متعددة تختص بجميع الاشياء.
المهم بعد ما قال هذا الكلام راح وتركها بصراحه اسلوبه كان متعجرف ويكلمها من طرف خشمه
وبعد فترة قصيره بكى الطفل بدون سبب والمراة تحاول تسكته وهو كأنه حالف ما يسكت وبدا الناس يطالعون
فيها ويسالونها وش فيه الولد وين ابوه ناديه ( لقافة ها الخلق ما يتركونها)
المهم قلتلها روحي دوري زوجك واطلعي يمكن الولد فيه شئ او متضايق من الحر قالت انها تخاف منه لايزعل
( بالطقاق فيه ان شاء الله مايرضى). قلت لها انا عرفت شكله اذا تبين اروح ادوره واقوله ولدك تعبان( (ملقوفة
صح وش اسوي هذا طبعي) قالت لي خلاص بس اذا شفتيه مشغول لاتزعجينه استغربت من كلامها كأنها تدري
انا وش بشوف ودورت الاخ وطبعا اللي ما يعرفه يكفي انه يشم ريحته اللي دوخت روسنا.
واخيرا لقيت الاخ في قسم العطور واقف مع وحده ثانيه يسولف معها انصدمت من الموقف وبغيت ارجع لاكن
لازم احرجه عشان يحس على دمه وقربت منه بكل بساطه وسمعت بعض كلمات الغزل اللي قاعد يقولها وغثني
وقلت لازم احرجةوقربت منه وقلت له( لو سمحت اخوي ولدك الي مع زوجتك في قسم الملابس يبكي والناس
يسألون عنك والمسكينه ما تدري وينك ياليت تروح توديه للمستشفي). --- شفتوا اللقافة شكلها بتوديني في
مصيبه--ونظر الي شذرا كما يقال وشكله ولّع ولو الموت بيدة كان أرسله علي ورحت وتركته مع البنت وبعد
خمس دقايق جا وهو معصب (شكلهم تهاوشوا) وقام يزعج على المسكينه ويهاوش ولده والناس طبعا ما
قصرت تجمعوا وانا طبعا واقفه من بعيد اتسمع وكان يقول (سكتي ذا الخبل مالت عليك وعليه , وين الله يرزقنا
وانتي معنا وكلام غريب والمراة ساكته والولد كل ماله يصرخ,حاولوا الناس يهدونه وهو مولّع بعض الحريم عصبوا
وقالوله هذاطفل يبكي لأتفه سبب حرام عليك وهو يهاوش ذا المسكينه وهي تبكي بسكات) وبالاخير قهرني
حيل لانه يهزئ ذا المسكينه قدام الناس ويقول انتي ما تعرفين تربين ومن ذا الخرابيط تلقفت و قلتله انت
انسان مستهتر ولا همك ولدك وصياجه اللي همك الاخت اللي كنت واقف معها شكلك ما تبيها تدري انك متزوج
عصب علي وقال (( يا الملقوفه وش دخلك بالامور العائليه شكلك ما تربيتي)) وراح يهاوش كل الواقفين بدون
اي سبب والناس راحت تقوله الله يشفيك وهو يصارخ وجا رجال الامن وطلعوه من المحلات وما ادري وش صار
فيهم بعدين.:mad:
هذا الموقف صار قدامي واعرف اني ملقوفة لاني تدخلت لاكن انتوا ما شفتوا شكل المرا ة كان كسرت خاطركم
وسؤالي !!
هل تؤيدونني على موقفي؟؟؟
لو كنتم مكاني ماذا فعلتم؟؟؟
وتقبلوا تحياتي