خلقت في الدنيا وأنا ما معـي شـي=وأباروح منها ما معـي شـي منهـا

[سمو الحرف]

سجه مـع الهاجـوس طبيعـة ٍ لـي =طبيعة ٍ بامـوت مـا جـزت عنهـا

أشكي على الخلاق وأرفع لـه إيـدي =لا كثـرت الأفكـار يـفـك منـهـا

أما الكرم قد فـاز بـه حاتـم الطـي =حتى الفرس من شان ضيفه طعنهـا

خلوني أكرم في حياتي وأنـا حـي =ولا مت ما أدري جثتـي مـن دفنهـا

خلقت في الدنيا وأنا ما معـي شـي=وأباروح منها ما معـي شـي منهـا

مسكين ياللي تحسب الواجـد شـوي=والعافية لـو تنشـرى وش ثمنهـا

يا جاهل الدنيا تراهـي كمـا الفـي =يامخبل اللـي فـي حياتـه ومنهـا

إن ناحرت لك قامت تـروح وتجـي =مثل الذلـول اللـي طويـل ٍ رسنهـا

وإن أدبرت خلتـك طايـح ومرمـي =وكم واحد ٍ له حاجـة ٍ مـا ضمنهـا

لا بد مانرحل عـن المـزح والغـي=ونسكن بيوت ٍ قبلنـا مـن سكنهـا

النفس مثل الغصن عايش على الري =ولو لاه كل النـاس عافـت وطنهـا

يالله عسى الحسنات تقضي على السي =لا قرّبـوا للنفـس ذرعـة كفنـهـا

للشاعر ..

مفرج بن مفرح السبيعي

[خشيف الريم]

لا بد مانرحل عـن المـزح والغـي

ونسكن بيـوت ٍ قبلنـا مـن سكنهـا


النفس مثل الغصن عايش على الـري

ولو لاه كل النـاس عافـت وطنهـا

يالله عسى الحسنات تقضي على السي

لا قرّبـوا للنفـس ذرعـة كفنـهـا



موفـــق بإختيــآآرك يالمـــــرزوقي ..

[ابو فهد]

قصيده جميله جداً
صح لسان الشاعر وسلمت يمينك المرزوقي