قصيده للشاعر عبدالله اللويحان التميمي ( يرحمه الله )

[سمو الحرف]

البارحة ما هملج الطرف بنعاس
ما فاض من نجم عيوني تخيله

لا باس يا عيني على السهرلا باس
على وليف ٍ فات ما القى مثيله

عنا قطع شوف المواصل له ارماس
ولا في يدي من ناب الارداف حيله

فيما مضى ياخذ جوابي من الراس
واليوم لا عاني وأنا ما اعني له

العشرة اللي ما توثق على ساس
تطيح لو صارت حصون ٍ طويلة

يا ونتي منها المعاليق يباس
صبري قضى ما باقي الا قليله

صبرت صبرٍ صابني منه وسواس
صبر له النفس العزيزة ذلية

على وليف ٍ حال من دونه الياس
والياس طب ٍ للقلوب العليلة

من يتبع المقفي مرده للافلاس
مثل الذي بالقيظ يدفق صميله

هذي دروب الحب جِدَّد ودراّس
الله يمضيها بستر وجميله

موفق ٍ للخير ياظبي الأطعاس
لا تحسب الدنيا بأهلها طويله

و صلاة ربي عد ما هب نسناس
على نبي ٍ وضح الله دليله


للشاعر عبدالله اللويحان التميمي
رحمـه الـله وأسكنـه فسيح جنـاتـه
وان شاء الله تحوز على رضاكم ..

[مْ،ـاِأنْس‘ـاكَـ]

قصيدهـ جداً رائعهـ

[سمو الحرف]

الرائع حضورك ما انساك ..

ربي يسعدك ..

[غ ـنـٍوٌجَـٍـۃْ]

يسلموووووووووو على القصيده الروووعهـ

[سمو الحرف]

يسلمك ربي

مشكور على المرور الكريم